چالاکێکی مه‌ریوانی ده‌ستگیرکراوه‌ و بێسه‌روشوێنه‌

سێ شه ممه‌  24 جۆزه‌ردانی 2711
که‌مپه‌ینی به‌رگری له‌ زیندانیانی سیاسی نه‌ته‌وه‌کانی ئێران

چالاکێکی مه‌ده‌نی کورد نزیک مانگێکه‌ له‌ لایه‌ن هێزه‌کانی ئیتلاعاته‌وه‌ ده‌ستبه‌سه‌ر کراوه‌ و تا ئیسا بێسه‌روشوێنه‌.
"فه‌رزاد حه‌ق شناس" چالاکی مه‌ده‌نی و ژێنگه‌ پاریزیی له‌ شاری مه‌ریوان سه‌ربه‌ پارێزگای کوردستان له‌ 18ی مانگی مه‌ی (28ی گوڵان) له‌ به‌ر شوێنی کاره‌که‌ی له‌ لایه‌ن هیزه‌کانی ئیتلاعاته‌وه‌ ده‌ستبه‌سه‌ر ده‌کرێت.
تا بڵاو بونه‌وه‌ی‌ ئه‌م هه‌واڵه‌ هۆکاری ده‌ستبه‌سه‌ر کردنی فه‌رزاد حه‌ق شناس و شوێنی راگرتنی که‌ نزیک به‌ مانگێکه‌ نادیاره‌.
بنه‌ ماڵه‌ی ناوبرا نیگه‌رانی چاره‌نوسی کوره‌که‌یانن و تا ئستا نه‌یانتوانیه‌وه‌ هێچ پێوه‌ندیه‌ک له‌ گه‌ڵ فه‌رزاد دا بگرن و هیچ زانیاریه‌کیان له‌ ره‌وشی ئه‌و نیه‌.

حوكمی دادگای چه‌ند هاووڵاتی ده‌ستبه‌سه‌ر كراوی گوندی "نێ" راگه‌یندرا

چوارشه‌ممه‌ 28ی بانه‌مه‌ڕی 1390
که‌مپه‌ینی به‌رگری له زیندانیانی ‌ نه‌ته‌وه‌کانی ئێران

له‌ درێژه‌ی گرتن‌و زیندانی كردنی لاوانی گوندی"نێ"ی سه‌ر به‌ شاری مه‌ریوان ئه‌م چه‌ند كه‌سه‌ خواره‌وه‌ كه‌ ماوه‌ی دوو ساڵ به‌ر له‌ ئێستا له‌ لایه‌ن هێزه‌ ئه‌مینه‌یه‌تیه‌كانی رژیمه‌وه‌ به‌ تاوانی هاوكاری‌و ئه‌ندامه‌تی له‌ حیزبێكی كوردستانی ده‌ستبه‌سه‌ر كرابوون، له‌ دوایین دادگایكردنیان دا له‌ لایه‌ن دادگای شاری مه‌ریوانه‌وه‌ بۆ هه‌ر یه‌ك له‌ فه‌رزاد به‌ده‌خش‌و زانا كه‌سرایی 5 مانگ زیندان‌وقانع كاوه‌،جه‌ماڵ په‌روازه‌‌و كه‌یوان نیك په‌ی به‌ 5 ساڵ زیندانی ته‌علیقی مه‌حكوم كران.

دوو لاوی‌ ‌ پاوه‌یی حوكمی‌ زیندانیان به‌سه‌ردا سه‌پا

دووشه‌ ممه‌ 19ی بانه‌مه‌ڕی 1390
که‌مپینی به‌رگری له‌ زیندانیانی سیاسی نه‌ته‌وه‌کانی ئێران

که‌مپه‌ینی به‌رگری له‌ زیندانیانی سیاسی نه‌ته‌وه‌کانی ئێران

‌ ‌ سه‌لاح فه‌ره‌جوڵڵاهی‌ ته‌مه‌ن 23 سال‌و سه‌یاد خوسره‌وی‌ ته‌مه‌ن 24سال كه‌ ماوه‌یه‌ك له‌مه‌وبه‌ر به‌ تۆمه‌تی په‌یوه‌ندی له گه‌ڵ یه‌كێك له‌ هێزه‌ سیاسیی یه‌كانی رۆژهه‌لاتی كوردستان له‌‌ لایه‌ن ئێداره‌ی‌ ئیتلاعاتی‌ شاری‌ پاوه‌ ده‌ستبه‌سه‌ر كرابوون رێكه‌وتی 15ی بانه‌مه‌ڕ له‌ لایه‌ن دادگای‌ شاری‌ پاوه‌  سه‌لاح فه‌ره‌جوڵڵاهی به‌21مانگ زیندان‌و دانی‌ جه‌ریمه‌ی‌ یه‌ك میلیون‌و هه‌شسه‌ت هه‌زار تمه‌نی‌ "1800000"‌و سه‌یادخوسره‌وی به‌ 3 ساڵ  زیندانی‌ ته‌علیقی‌ حوكم دران.

سه‌ردانی شاندێکی کەمپەینی بەرگری لە زیندانیانی سیاسیی نەتەوەکانی ئێران له‌ پارلمانی نوروێژ

شه‌ممه‌ 17ی بانه‌مه‌ڕی 1390
که‌مپه‌ینی به‌رگری له‌ زیندانیانی سیاسی نه‌ته‌وه‌کانی ئێران

رۆژی پێنجشەممە، رێکەوتی ٥ی ٥ی ٢٠١١ی زایینی ،لە سەر بانگهێشتی گوروپی کاریی "پارتی کاری نوروێژ" ی لە بەشی کاروباری دەرەوە و بەرگریی ئەو وڵاتە، شاندێکی کەمپەینی بەرگری لە زیندانیانی سیاسیی نەتەوەکانی ئێران، کە پێکهاتبوو لە بەرپرسی کەمپەین "عبدالغفور دانشور"، لە نەتەوەی بەلووچ، مەنسوور عەزیزی ووتەبێژی کەمپەین و " صالح بنی سعید" ئەندامی کەمپەین، لە نەتەوەی عەرەب، سەردانی پارلەمانی کرد و لە لایەن بەڕێزان " ماریاننە سایپ" و " ئولە کریستیان" لە بەشی راوێژکاریی کۆمیتەی ناوبراوەوە، بە گەرمی پێشوازییان لێکرا.

لەو دانیشتنەدا، ئەم خاڵانەی خوارەوە باسیان لەسەر کرا:

_ ناساندنی کەمپەین و کار و ئەرکەکانی.

_ کەمپەین وەک یەکەیەکی پێکهاتوو لە هەموو نەتەوەکانی ئێران.

راگه‌یه‌ندراوی که‌مپه‌ینی "نا بۆ له سێداره دان له ئێراندا"

پێنج شه‌ممه‌ 15ی بانه‌مه‌ڕی 1390
که‌مپه‌ینی به‌رگری له‌ زیندانیانی سیاسی نه‌ته‌وه‌کانی ئێران

که‌مپه‌ینی "نا بۆ له سێداره دان له ئێراندا" که بۆ به‌رگری له گیانی کاک شێرکۆ مه‌عارفی ، مۆسته‌فا سه‌لیمی و سه‌رجه‌م ٢١ گیراوی سیاسی و خه‌باتکاری مافه‌کانی مرۆڤی کورد ڕێکخراوه ، کۆتایی هاتنی یه‌که‌م چالاکی خۆیان که بریتی بوو له ٦ ڕۆژ دانیشتن  له به‌ر ده‌م باره‌گای نه‌ته‌وه یه‌کگرتووه‌کاندا  ڕاده‌گه‌ینن.

ئه‌و که‌مپه‌ینه که بۆ ڕاکێشانی ڕای گشتی و به ‌تایبه‌ت نه‌ته‌وه یه‌کگرتووه‌کان بۆ لای له سێداره‌دان له ئێران و کوردستاندا  له لایه‌ن هه‌ر سێ ڕێکخراوی ؛ ناوه‌ندی زاگرۆس بۆ دیمۆکراسی و مافه‌کانی مرۆڤ، چاودێری کوردۆساید- چاک و که‌مپه‌ینی به‌رگری له زیندانیانی سیاسی نه‌ته‌وه‌کانی ئێران له‌قی سویس ڕێکخراوه ، توانی وه‌کو یه‌که‌م ئه‌زموونی له‌و جۆره ، هه‌ستێ

چاره‌نووسی‌ هاووڵاتییه‌كی‌ ده‌ستبه‌سه‌ركراوی‌ شاری‌ سه‌ڵماس ناڕوونه‌

چوارشه‌ممه‌ 14 بانه‌مه‌ڕی 1390
که‌مپه‌ینی به‌رگری له‌ زیندانیانی سیاسی نه‌ته‌وه‌کانی ئێران

هاووڵاتییه‌كی‌ كوردی‌ شاری‌ سه‌ڵماس به‌ دانانی‌ بارمته‌ ئازاد كرا‌و هاووڵاتییه‌كی‌ دیكه‌ش له‌ ئیداره‌ی‌ ئیتلاعاتی‌ ئه‌و شاره‌وه‌ بۆ به‌ندیخانه‌ گوازرایه‌وه‌.
به‌ پێی‌ راپۆرتی‌ هه‌واڵنێرانی‌ هرانا، چه‌نگیز ئیوه‌ری‌، هاووڵاتیی‌ كوردی‌ خه‌ڵكی‌ گوندی‌ ئه‌شناك له‌ ناوچه‌ی‌ سه‌ڵماس كه‌ له‌ ره‌شه‌مه‌ی‌ ساڵی‌ رابردوودا له‌ لایه‌ن هێزه‌ ئیتلاعاتییه‌كانی‌ سپاوه‌ ده‌ستبه‌سه‌ر كرابوو له‌ دوای‌ تێپه‌ڕاندنی‌ ماوه‌ی‌ لێكۆڵینه‌وه‌كانی‌ حه‌وتووی‌ رابردوو به‌ شێوه‌ی‌ ده‌ستبه‌سه‌ركراوی‌ كاتی‌ بۆ به‌ندیخانه‌ی‌ سه‌ڵماس گوازرایه‌وه‌. هه‌روه‌ها زه‌یناڵ‌ ئه‌تمانی‌، هاووڵاتیی‌ كوردی‌ خه‌ڵكی‌ گوندی‌ دشوان له‌ ناوچه‌ی‌ سه‌ڵماس رۆژی‌ 6ی‌ خاكه‌لێوه‌ له‌ لایه‌ن هێزه‌ ئه‌منییه‌تییه‌كانه‌وه‌ ده‌ستبه‌سه‌ر‌و به‌ دانانی‌ بارمته‌ی‌ 110 میلیۆن تمه‌نی‌ له‌ به‌ندیخانه‌ ئازاد كرا.
شایانی‌ باسه‌ تۆمه‌تی‌ ئه‌و ناوبراوانه‌ له‌ لایه‌ن به‌رپرسانی‌ دادوه‌رییه‌وه‌، هاوكاری‌ له‌گه‌ڵ‌ یه‌كێك له‌ حیزبه‌ كوردییه‌كان راگه‌یه‌ندراوه‌.


 

بێ‌ هه‌واڵی‌ له‌ چاره‌نووسی‌ دوو هاووڵاتیی‌ كوردی‌ ده‌ستبه‌سه‌ر كراو له‌ نه‌وسوود

چوارشه‌ممه‌7بانه‌مه‌ڕی1390
که‌مپینی به‌رگری له‌ زیندانیانی سیاسی نه‌ته‌وه‌کانی ئێران
له‌ چاره‌نووسی‌ دوو برای‌ نه‌وسوودی‌ به‌ ناوه‌كانی‌ موختار‌و شاهرۆخ خه‌ندانی‌ كه‌ له‌ لایه‌ن هێزه‌ ئه‌منییه‌تییه‌كانه‌وه‌ ده‌ستبه‌سه‌ر كراون، هیچ زانیارییه‌ك له‌ به‌ر ده‌ستدا نیه‌.
به‌ پێی‌ راپۆرتی‌ هه‌واڵنێرانی‌ ئاژانیی‌ خه‌به‌ریی‌ موكریان:، تا ئێستا موختار‌و شاهرۆخ خه‌ندانی‌ كه‌ ماوه‌ی‌ یه‌ك مانگ له‌مه‌وپێش له‌گه‌ڵ‌ چه‌ند هاووڵاتیی‌ دیكه‌ ده‌ستبه‌سه‌ر‌و بۆ شوێنێكی‌ ناڕوون راگوێزرابوون، هه‌واڵێك له‌ به‌ر ده‌ستدا نیه‌.
ده‌وترێ‌ سه‌ره‌ڕای‌ به‌دواداچوونی‌ بنه‌ماڵه‌ی‌ ئه‌و دوو هاووڵاتییه‌، به‌رپرسانی‌ ئه‌منییه‌تی‌ هیچ وڵامێكیان له‌ پێوه‌ندی‌ له‌گه‌ڵ‌ شوێنی‌ راگرتن‌و تۆمه‌ته‌كانیان نه‌داوه‌ته‌وه‌.
شایانی‌ باسه‌ موختار‌و شاهرۆخ خه‌ندانی‌ له‌ ئاكامی‌ ناڕه‌زایه‌تییه‌كان كه‌ به‌ دوای‌ كوژرانی‌ هاووڵاتییه‌ك له‌ نه‌وسوود به‌ ناوی‌ پوورمه‌ند مه‌دحه‌تنیا هاته‌ئاراوه‌، له‌گه‌ڵ‌ ژماره‌یه‌كی‌ دیكه‌ ده‌ستبه‌سه‌ر كران.


 

زاڵبوونی‌ كه‌شوهه‌وای‌ ئه‌منییه‌تی‌ به‌ سه‌ر جه‌وی‌ ملاقاتی‌ به‌ندكراوانی‌ سیاسیی‌ به‌ندی‌ 350دا

چوارشه‌ممه‌7بانه‌مه‌ڕی1390
که‌مپینی به‌رگری له‌ زیندانیانی سیاسی نه‌ته‌وه‌کانی ئێران

بنه‌ماڵه‌ی‌ به‌ندكراوانی‌ سیاسیی‌ به‌ندی‌ 350 باس له‌ زیادبوونی‌ گوشاره‌ ئه‌منییه‌تییه‌كان له‌ كاتی‌ ملاقاتی‌ به‌ندكراوان له‌گه‌ڵ‌ بنه‌ماڵه‌كانیان ده‌كه‌ن.
به‌ پێی‌ راپۆرتی‌ كلمه‌، دووشه‌ممه‌ی‌ ئه‌م حه‌ووتوویه‌ له‌ كاتی‌ ملاقاتی‌ به‌ندكراوان له‌گه‌ڵ‌ بنه‌ماڵه‌كانیاندا، هێزه‌ ئه‌منییه‌تییه‌كان به‌ چوونه‌ژوور بۆ ساڵۆنی‌ ملاقات، به‌ سه‌ر قسه‌كردنی‌ بنه‌ماڵه‌كان له‌گه‌ڵ‌ به‌ندكراواندا چاودێرییان ده‌كرد. له‌و رووه‌وه‌ كه‌ كاتی‌ ملاقاتی‌ حه‌وتووانه‌ی‌ بنه‌ماڵه‌كان له‌گه‌ڵ‌ به‌ندكراواندا ته‌نیا 20 خوله‌كه‌، زۆربه‌ی‌ بنه‌ماڵه‌كان بۆ باشتر كه‌ڵكوه‌رگرتن له‌و كاته‌ زۆربه‌ی‌ باسه‌كان ده‌نووسن تاكوو له‌ بیریان نه‌چێته‌وه‌. به‌ڵام ئه‌م حه‌وتووه‌ مه‌ئمووران به‌م بابه‌ته‌ په‌رچه‌كرداریان پیشان داو به‌ كرده‌وه‌ی‌ توندوتیژانه‌، به‌شێك له‌و نووسراوانه‌یان له‌ بنه‌ماڵه‌كان وه‌رگرت‌و چاویان لێكرد‌و له‌ نموونه‌گه‌لێكیشدا ژماره‌یه‌ك له‌و بنه‌ماڵه‌‌و به‌ندكراوانه‌ له‌گه‌ڵ‌ وشه‌گه‌لی‌ ناشیرین به‌ره‌وڕوو بوونه‌وه‌.

چاره‌ نووسی گیراوێكی ده‌ستبه‌سه‌ر كراوی كورد ناروونه‌

2بانه‌مه‌ڕی1390ی هه‌تاوی

که‌مپه‌ینی به‌رگری له‌ زیندانیانی نه‌ته‌وه‌کانی ئێران

قاسم ره‌حیمی ئازه‌ر كارمه‌ندی نه‌خۆشخانه‌ی شاری بۆكان كه‌ ماوه‌یه‌ك به‌ر له‌ ئێستا به‌ هۆیه‌كی نادیار له‌ لایه‌ن هێزه‌ ئه‌منیه‌تیه‌كانی كۆماری ئیسلامی ئێران ده‌ستبه‌سه‌ر ‌و ره‌وانه‌ی ئیداره‌ی ئیتلاعاتی شاری بۆكان كرا، تا ئیستا له‌ چاره‌نووسی ناوبراو هیچ هه‌واڵێك له‌ به‌رده‌ستدا نیه‌.

بنه‌ماڵه‌ی ناوبراو چه‌ندین جار به‌ مه‌به‌ستی زانیاری له‌ سه‌ر كوڕه‌كه‌یان سه‌ردانی ئیداره‌ی ئیتلاعاتی شاری بۆكانیان كردووه‌ به‌ڵام  هیزه‌كانی كۆماری ئیسلامی له‌ دانی هه‌ر جۆره‌ زانیاریه‌ك له‌ سه‌ر چاره‌نووسی قاسم ره‌حیمی ئازه‌ر خۆیان پاراستووه‌.

به‌رێوه‌چوونی خۆپیشاندانێک له‌ ئامریکا بۆ پشتیوانی له‌ به‌ندکراوانی سیاسیی نه‌ته‌وه‌کانی ئێران

29خاکه‌لێوه‌ی1390ی هه‌تاوی
که‌مپه‌ینی به‌رگری له‌ زیندانیانی نه‌ته‌وه‌کانی ئێران

رۆژی یه‌کشه‌مه‌ رێکه‌وتی 17ی ئاپریلی 2011، کۆمیته‌ی حدکا له‌ ئامریکا به‌شداری رێپێوانێک بوو که‌ بۆ پشتیوانی له‌ به‌ندکراوانی سیاسیی نه‌ته‌وه‌کانی ئێران‌و هه‌ڵوه‌شاندنه‌وه‌ی بریاری ئێعدامی گیراوانی سیاسیی له‌ لایه‌ن کۆماری ئیسلامییه‌وه‌ پێکهاتبوو، که‌ ئه‌ندام‌‌و لایه‌نگرانی حدکا له‌ ئامریکا به شێوه‌یه‌کی به‌رچاوو چالاکانه‌ تێیدا به‌شدار بوون

رێپێوانه‌که کاتژمێر یه‌ک‌و نیوی داوانیوه‌رۆ ده‌ستی پێکردو تاکوو چوار‌ له‌ مه‌یدانی به‌ناوبانگی "دوپان" له‌ شاری واشینگتۆن درێژه‌ی کێشا.

سه‌ره‌تا په‌یامی ریزبه‌ندی چۆنیه‌تی خۆپیشاندانه‌که‌ له‌ لایه‌ن شیرین نه‌ریمان خوێندرایه‌.

ئه‌وجار په‌یامی که‌مپینی پشتیوانی له‌ گیراوه‌ سیاسییه‌کانی نه‌ته‌وه‌کانی ئێران له‌ لایه‌ن هێرش ره‌حیمی پێشکه‌ش کرا.

دواتر رێبوار سه‌لیمی په‌یامی کۆمیته‌ی حدکای له‌ ئامریکا پێشکه‌ش کرد.

سێ‌ هاووڵاتیی‌ شاری‌ سه‌ڵماس به‌ زیندان مه‌حكووم كران

28ی خاکه‌لیوه‌ی1390
که‌مپه‌ینی به‌رگری له‌ زیندانیانی سیاسی نه‌ته‌وه‌کانی ئێران

به‌ پێی‌ هه‌واڵی‌ ئاژانسی‌ خه‌به‌ریی‌ موكریان، سێ‌ هاووڵاتیی‌ خه‌ڵكی‌ سه‌ڵماس له‌ لایه‌ن دادگای‌ شۆڕشی‌ ئه‌و شاره‌وه‌ به‌ زیندان مه‌حكووم كران.
به‌ پێی‌ راپۆرتی‌ سه‌رچاوه‌كانی‌ ئاگاداری‌ ناوچه‌یی، دادگای‌ شۆڕشی‌ شاری‌ سه‌ڵماس سێ‌ هاووڵاتیی‌ خه‌ڵكی‌ ئه‌و شاره‌ به‌ ناوه‌كانی‌ وه‌حید جه‌ماڵی‌، به‌ دوو ساڵ‌ زیندان، نێعمه‌ت جلیباقوو‌و پوران جه‌وادی‌ هه‌ر كامیان به‌ چوار ساڵ‌ زیندان مه‌حكووم كرد.
تۆمه‌تی‌ ئه‌و به‌ندكراوانه‌ له‌ لایه‌ن به‌رپرسانی‌ دادوه‌رییه‌وه‌ هاوكاریی‌ له‌گه‌ڵ‌ یه‌كێك له‌ حیزبه‌كانی‌ دژبه‌ری‌ رێژیم راگه‌یه‌ندراوه‌.
شایانی‌ باسه‌ ئه‌و سێ‌ هاوولاتییه‌ ساڵی‌ رابردوو له‌ لایه‌ن هێزه‌ ئه‌منییه‌تییه‌كانه‌وه‌ ده‌ستبه‌سه‌ر‌و دوای‌ ماوه‌یه‌ك به‌ دانانی‌ بارمته‌ له‌ زیندان ئازاد كرابوون.

چاره‌نووسی خۆێندكارێكی ده‌ستبه‌سه‌ر كراوی سه‌قزی ناروونه‌

28ی خاکه‌لیوه‌ی1390
که‌مپه‌ینی به‌رگری له‌ زیندانیانی سیاسی نه‌ته‌وه‌کانی ئێران

محه‌ممه‌د ره‌حیمی دێهقان ناسراو به‌ هێمن خۆێندكاری زانكۆی په‌یامی نووری سه‌قز  كه‌ ماوه‌ی چه‌ند مانگ به‌ر له‌ ئێستا به‌ ده‌ست هێزه‌ ئیتلاعاتیه‌كانی شاری سه‌قز ده‌ستبه‌سه‌ر كرا، چاره‌نووسی نادیاره‌. ئه‌م خۆێندكاره‌ كه‌ تا ئێستاش تۆمه‌تی ده‌ستبه‌سه‌ر كرانی رانه‌گه‌یندراوه‌ بۆ ماوه‌ی چه‌ند مانگه‌ ده‌ستبه‌سه‌ر‌و كه‌س شۆێنی نازانێت.

چاره‌نووسی لاوانی ده‌ستبه‌سه‌ر كراوی گوندی نێ دیار بوو

28ی خاکه‌لیوه‌ی1390
که‌مپه‌ینی به‌رگری له‌ زیندانیانی سیاسی نه‌ته‌وه‌کانی ئێران

حه‌وت مانگ له‌مه‌و پێش 5 که‌س خه‌ڵکی ئه‌و گونده‌ ده‌سبه‌سه‌ر کران به‌ ناوه‌کانی " ئه‌ختیار کاوه ‌ته‌مه‌ن 33 ساڵ ، بڕیار کاوه‌ ته‌مه‌ن 17 ساڵ ، به‌همه‌ن فه‌تاح زاده‌ ته‌مه‌ن 33 ساڵ ، برهان درخشانی ته‌مه‌ن 18 ساڵ و برهان خوسره‌وی ته‌مه‌ن 17 ساڵ ، که‌ له‌م پێنج که‌سه‌ ته‌نیا ئه‌ختیار کاوه‌ سه‌رۆکی ئه‌نجومه‌نی ئه‌ده‌بی ئاوایی نێ به‌ بارمته‌ی 20 ملیۆن تمه‌نی ئازاد کراوه‌ و ئه‌و چوار که‌سه‌که‌ی تر هه‌رکام به‌ سێ ساڵ حوکمی ته‌عزیری حوکم دران که‌ ئه‌م چوار که‌سه‌ بێ تاوانن، به‌ڵام رێژیم له‌ به‌ر ئه‌وه‌ی که‌ له‌ خه‌ڵکی ئه‌م گونده‌ نیشتمان په‌روه‌ره‌ نه‌فره‌تی هه‌یه‌ ئه‌م حوکمه‌ی به‌ سه‌ر ئه‌مانه‌دا سه‌پاندووه‌ به‌ڵام بنه‌ماڵه‌کانیان به‌ نه‌بوونی و نه‌داری پوڵیان کۆکردوته‌وه‌ بۆ ئه‌وه‌ی وه‌کێڵ بگرن که‌ بۆ

دوو هاووڵاتی دیكه‌ی كورد كه‌وتنه‌ ژێر ئه‌شكه‌نجه‌ی هێزه‌كانی كۆماری ئیسلامی ئێران

25خاکه‌لێوه‌ی1390
که مپه ینی به رگری له زیندانیانی سیاسی نه ته وه کانی ئێران

هه‌روه‌ك له‌ هه‌واڵه‌كانی چه‌ند رۆژی رابردوودا بڵاومان كرده‌وه‌، دوو هاوڵاتی كوردی خه‌ڵكی شاری بۆكان به‌ ناوه‌كانی قاسم ره‌حیم ئازه‌ر ‌و جه‌لال ناسری ماوه‌ی 36 رۆژه‌ به‌ ده‌ست هێزه‌ ئه‌منیه‌تیه‌كانی كۆماری ئیسلامی ئێران به‌ بێ هیچ به‌ڵگه‌یه‌ك ده‌ست به‌سه‌ر‌و ره‌وانه‌ی زیندانی گشتیی شاری بۆكان كراون.

ئه‌و دوو هاوڵاتیه‌ له‌ ژێر ئه‌شكه‌نجه‌‌و گۆشاری هێزه‌كانی كۆماری ئیسلامی ئێراندا تۆمه‌تی سیاسیان داوه‌ته‌ پاڵ‌و به‌م جۆره‌ ده‌یانهه‌وێ به‌ زۆر‌ و له‌ ژێر ئه‌شكه‌نجه‌ ئه‌و دوو كه‌سه‌ به‌ سیاسی له‌ قه‌ڵه‌م بده‌ن.

 

کەمپەینی بەرگری لە زیندانیانی سیاسی و کۆمیتەی گشتیی کۆمەڵەی کولتووری کوردی، سەردانی وەزارەتی دەرەوەی نورویژیان کرد.

25خاکه‌لێوه‌ی1390
که مپه ینی به رگری له زیندانیانی سیاسی نه ته وه کانی ئێران

شاندێکی پێکهاتوو لە کەمپەینی بەرگری لە زیندانیانی سیاسی نەتەوەکانی ئێران و کۆمیتەی گشتیی کۆمەڵەی کولتووریی کوردی لە نورویژ، سەردانی وەزارەتی دەرەوەی وڵاتی ناوبراویان کرد.

ئەو شاندە کە پێکهاتبوو لە بەڕێزان ، مەنسوور عەزیزی، گووتەبێژی کەمپەین لە نورویژ و کامیل قادری، ئەندامی کۆمیتەی گشتیی کۆمەڵەی کولتووری کوردی لەو وڵاتە، رۆژی چوارشەممە، رێکەوتی ١٣ی ٤ی ٢٠١١ی زایینی، لە لایەن " تور شێنس ئارڤیک" ەوە، لە بەشی رۆژهەڵاتی نێوەڕاستی وەزارەتی دەرەوەی نورویژەوە، پێشوازییان لێکرا و دواتر دوو لایەن ئەم بابەتانەی خوارەوەیان دایە بەرباس:

_ مافەکانی مرۆڤ و دوایین هەنگاوەکانی یەکیەتی ئوروپا و نەتەوە یەکگرتووەکان لەو پێوەندییانەدا، لە ئێران.

چاره‌نووسی خۆێندكارێكی ده‌ستبه‌سه‌ر كراوی سه‌قزی ناروونه‌

24خاکه‌لێوه‌ی1390
که مپه ینی به رگری له زیندانیانی سیاسی نه ته وه کانی ئێران

محه‌ممه‌د ره‌حیمی دێهقان ناسراو به‌ هێمن خۆێندكاری زانكۆی په‌یامی نووری سه‌قز  كه‌ ماوه‌ی چه‌ند مانگ به‌ر له‌ ئێستا به‌ ده‌ست هێزه‌ ئیتلاعاتیه‌كانی شاری سه‌قز ده‌ستبه‌سه‌ر كرا، چاره‌نووسی نادیاره‌. ئه‌م خۆێندكاره‌ كه‌ تا ئێستاش تۆمه‌تی ده‌ستبه‌سه‌ر كرانی رانه‌گه‌یندراوه‌ بۆ ماوه‌ی چه‌ند مانگه‌ ده‌ستبه‌سه‌ر‌و كه‌س شۆێنی نازانێت.

 

مامۆستایه‌كی ده‌ستبه‌سه‌ر كراوی زانكۆ ده‌ستی به‌ مانگرتن داوه‌

23یخاکه‌لێوه‌ی 1390
که مپه ینی به رگری له زیندانیانی سیاسی نه ته وه کانی ئێران

 

جه‌مشید ره‌مه‌زانی مامۆستای پێشووی زانكی سنه‌، كه‌ ماوه‌ی دوو ساڵ به‌ر له‌ ئێستا له‌ لایه‌ن هێزه‌ ئه‌منیه‌تیه‌كانی كۆماری ئیسلامی ئێران ده‌ستبه‌سه‌ر ‌و ره‌وانه‌ی زیندانی شاری سنه‌ كرا له‌ ماوه‌ی چه‌ند رۆژی رابردوودا له‌ ناره‌زایه‌تی به‌رامبه‌ر به‌ ده‌ست به‌سه‌ركرانی بێ بنه‌مای خۆی له‌ لایه‌ن هێزه‌كانی كۆماری ئیسلامی ده‌ستی به‌ مانگرتن كردووه‌.

هێزه‌كانی كۆماری ئیسلامی هۆی ده‌ستبه‌سه‌ر كرانی ئه‌و مامۆستایه‌ی زانكۆیان بوونی چه‌ك له‌ ماڵه‌كه‌یدا رایانگه‌یندووه‌ به‌ڵام ناوبراو هه‌موو ئه‌و تۆمه‌تانه‌ به‌ پرۆپاگه‌نده‌ی رژیم ده‌زانێت كه‌ به‌كرێگیراوانی رژیم ئه‌و پیلانه‌یان بۆ ناوبراو دارێشتووه‌.

نوێنەرایەتیی کەمپەینی بەرگری لە زیندانیانی سیاسیی نەتەوەکانی ئێران، بەشداریی کرد لە کۆنگرەی " ئاربایدر پارتی"

23ی خاکه‌لێوه‌ی1390
که مپه ینی به رگری له زیندانیانی سیاسی نه ته وه کانی ئێران

شەست و سێیەمین کۆنگرەی " ئاربایدر پارتییە" واتە پارتی  کاری" نورویژی بۆ ماوەی دوو رۆژە لە نورویژ دەستی پێکردووە و لەوێدا پرسی کورد وەک دۆزێکی گرنگ لە راپۆرتی کۆنگرەیاندا رەنگی داوەتەوە.

ئەو کۆنگرەیە کە دوێنێ پێنجشەممە، رێکەوتی ٧ی ٤ی ٢٠١١ی زایینی دەستی پێکردووە و بڕیارە تا رۆژی یەکشەممە، درێژەی هەبێ، کۆمەڵێک باسی گرنگی پێوەندیدار بە نورویژییەکان ، وڵاتی نورویژ و گلوبالیزم ، دێموکراسی ، مافی مرۆڤ، پاراستنی ژینگە ، کەش و هەوا، ئابووری نێودەوڵەتی ، رۆژهەڵاتی نێوەڕاست و وڵاتانی جیهانی سێیەم ، رۆژئاوا بە گشتی و دێموکراسی و مافەکانی مرۆڤ لە جیهان ، پرسی قاقڕی لە وڵاتانی هەژار، بە تایبەت ئافریقا و پێویستییە ژیوەرییەکانی مرۆڤ و داهاتووی ئەو دۆزانەی، لە خۆ گرتووە.

لەو کۆنگرەیەدا کە نوێنەرانی ئەندامانی ئەو پارتە لە هەموو شوێن و ناوچەکانی نورویژ تێیدا بەشدارن، راپۆرتی کۆنگرە بە تایبەت هەندێک بابەتی تایبەتی لە پێوەندی لە گەڵ رۆژهەڵاتی نێوەراستدا، تێدا گونجێندراوە، وەک بابەتی " ئورشەلیم هی هەموو دونیایە" ، ئاشتی لە رۆژهەڵاتی نێوەڕاست، دۆزی کورد لە ئاستی نێودەوڵەتیدا.

راپۆرتی كار و چالاكی كەمپەینی بەرگری لە زیندانیانی سیاسی نەتەوەكانی ئێران

20ی خاکه‌لێوه‌ی1390
که مپه ینی به رگری له زیندانیانی سیاسی نه ته وه کانی ئێران
راپۆرتی كار و چالاكی كەمپەینی بەرگری لە زیندانیانی سیاسی نەتەوەكانی ئێران

هاونیشتمانانی بەڕێز!
گەلانی تێكۆشەری ئێران
هەروەك ئاگادارن رۆژی 1ی  رەشەمەی ساڵی 1389ی هەتاوی ، كەمپەینی بەرگری لە زیندانیانی سیاسی نەتەوەكانی ئێران بوونی خۆی راگەیاند و دەستی بە چالاكی كرد.
بەڕێوەبەرانی كەمپەین سەرەتا و لە رۆژی دەستپێكەوە لە سەر ماڵپەڕەكانیان( kampeeyn.blogspot.comو kampein.blogspot.com و لاپەڕەی فەیسبووك و لاپەڕەی توویتر) كۆمەڵێك ناو و  زانیارییان لە گەڵ بەیاننامە و ئامانجەكانی كەمپەین بڵاو كردەوە. ئەو زانیارییانەی كە كەمپەین بڵاوی كردەوە و هەنووكەش لە سەر ماڵپەڕەكانی هەر ماوە كۆ كردنەوەی ناوی ژمارەیەك  لە لە سێدارەدراوانی سیاسی نەتەوەكانی ئێران بە شێوەی جیاجیا كە بریتی بوو لە ناوی 1088 ئێعدامی كە هەر وەك لە سەر ئەم پێڕستانەەو نووسراوە ئەمە دەرخەری ناوی گشت لە سێدارەدراوان نیە، هەر وەها كەمپەین ناوی بەندكراوانی سیاسی نەتەوەكانی ئێرانی لە چەن لیستی جیاجیا و تایبەت بە هەرنەتەوەیەكدا بڵاو كردەوە كە بە هۆی زۆربوونی رێژەی گیراوان و بەندكراوانی چالاكانی ئایینی بەهایی ناوی ئەوانیش ئیزافە كرا. لە كۆی 576 زیندانی سیاسی  لە گرتووخانەكانی ئێران 530 دەستی ئێمە كەوتوون  كەسیان پیاو و 46 كەسیان ژن بوون، كە بە پێی لیستەكانی كەمپەین بەشی هەر نەتەوەیەك بریتی بوو:

چه‌ند هاووڵاتیی كورد ده‌ستبه‌سه‌ر كران

15خاكه لێوه‌ی 1389

 که مپه ینی به رگری له زیندانیانی سیاسی نه ته وه کانی ئێران

به‌ پێی هه‌واڵی هه‌واڵده‌ریی كوردستان چه‌ند رۆژ به‌ر له‌ ئێستا هێزه‌ سه‌ركوتكه‌ره‌كانی كۆماری ئیسلامی له‌ گونده‌كانی سیسێر‌و نستانی شاری سه‌رده‌شت چه‌ند لاوی كوردیان ده‌ستبه‌سه‌ر ‌و ره‌وانه‌ی ئیداره‌ی ئیتلاعات كرد. پاش ماویه‌ك ئه‌و كه‌سانه‌ به‌ تۆمه‌تی به‌شداریی چالاكانه‌ له‌ رێوڕه‌سمه‌كانی نه‌ورۆزدا به‌ دانانی بارمته‌ی قۆرس ئازادكران.

شیاوی ئاماژه‌پێدانه‌ كه‌سانی ده‌ستبه‌سه‌ركراو له‌ رێوڕه‌سمه‌كانی نه‌ورۆزدا له‌ بواری مووزیكدا چالاكییان هه‌بووه‌.د.